ՀՀ ՏՄՊՊՀ-ն համալրում է իր աշխատանքային թիմը
Եթե Դուք տնտեսագետ եք, ֆինանսիստ, իրավաբան կամ տվյալների վերլուծաբան, ունեք համապատասխան փորձառություն և գիտելիքներ, տիրապետում եք օտար լեզուների, ունեք զարգացման Ձեր հստակ տեսլականը, բաց մի թողեք հնարավորությունը միանալու մեր թիմին: ՀՀ ՏՄՊՊՀ-ն հայտարարում է իր աշխատանքային թիմը համալրելու մասին՝
Մեզ անհրաժեշտ են մասնագետներ, որոնք՝
• նախաձեռնող են, ունեն ստեղծագործ միտք, բաց են փոփոխությունների և նորարարությունների համար,
• սկզբունքային են, նպատակասլաց, ազնիվ և պարտաճանաչ,
• սիրում են աշխատանքը, աշխատում են նվիրումով և չեն դադարում սովորել և կատարելագործել իրենց գիտելիքները,
• տիրապետում են ռուսերեն և անգլերեն լեզուներին, ունեն տեղեկատվական տեխնոլոգիաների և համակարգչային գիտելիքներ,
• ունեն համապատասխան որակավորում, փորձառություն և գիտելիքներ:
Դուք կունենաք՝
• պետական կառավարման համակարգում ծառայության միջոցով երկրի զարգացմանը նպաստելու և Ձեր կարիերան ստեղծելու հնարավորություններ
• աշխատանք, որը կտա լավ փորձառություն, մշտապես առաջ շարժվելու, գիտելիքների կատարելագործման հնարավորություններ
• վերապատրաստումներ, մասնագիտական աճի և առաջխաղացման հնարավորություն՝ հիմնված գիտելիքների և աշխատանքի կատարողական արդյունքների վրա:
Ինքնակենսագրականները և մոտիվացիոն նամակը կարող եք ուղարկել [email protected] էլ. փոստի հասցեին:
Հարցերի դեպքում կարող եք զանգահարել 010 54 19 00 (ներքին համար՝ 215) հեռախոսահամարով:
Դիմումների ընդունման վերջնաժամկետը՝ մինչև 01.09. 2019թ.:
Հարցազրույցի կհրավիրվեն փաստաթղթային փուլն անցած դիմորդները:
ՀՀ տնտեսական մրցակցության
պաշտպանության պետական հանձնաժողով
Կարծիքներ