ԱՄՆ-ում սկսվել է անվտանգության նախարարի իմպիչմենտի գործընթացը

ԱՄՆ Կոնգրեսի ստորին պալատը սկսել է երկրի ներքին անվտանգության նախարար Ալեխանդրո Մայորկասի դեմ իմպիչմենտի գործընթացը։ Այս մասին գրում են ամերիկյան ԶԼՄ-ները։

Ներկայացուցիչների պալատի խոսնակ, հանրապետական ​​Մայք Ջոնսոնն ասել է, որ ստորագրել է նախարարին իմպիչմենտի ենթարկելու փաստաթղթերը, որից հետո դրանք ուղարկվել են Սենատ։

Կոնգրեսի ստորին պալատի ղեկավարը թիվ մեկ խնդիրն անվանել է ԱՄՆ հարավային սահմանի ճգնաժամը և կոչ արել պատասխանատվության ենթարկել դրա առաջացման և զարգացման պատասխանատուներին։ 

Ջոնսոնը դիմել է Սենատի դեմոկրատական մեծամասնության առաջնորդ Չակ Շումերին՝ պահանջելով ներքին անվտանգության դեպարտամենտի ղեկավարի իմպիչմենտի հրապարակային գործընթաց իրականացնել։
Ի դեպ, ավելի վաղ ամերիկացի ձեռներեց և միլիարդատեր Իլոն Մասկը կոչ էր արել Մայորկասին հեռանալ իր պաշտոնից։