Զինվորին հարվածելու մեջ մեղադրվող մայորի համար բողոքի ակցիա է կազմակերպվել
Կառավարության շենքի դիմաց բողոքի ակցիա է ընթանում։ Սպանդարյան գյուղի բնակիչները մայոր Միհրան Ոսկանյանի գործով արդար դատաքննություն են պահանջում։
Տավուշի ընդհանուր իրավասության դատարանը մայորին մեղավոր է ճանաչել ՀՀ քրեական օրենսգրքի 112-րդ հոդվածի 1-ին մասով և 358.1-րդ հոդվածի 1-ի մասով, նրան դատապարտելով ազատազրկման 3 տարի 3 ամիս ժամկետով:
Նշենք, որ խոսքը Դիլիջանում տեղակայված զորամասի հրամանատարի տեղակալ Միհրան Ոսկանյանի գործի մասին է, ով մեղադրվում է ժամկետային զինծառայող Միքայել Տեր-Մինասյանին հարվածելու, նրա առողջությանը ծանր վնաս պատճառելու, նրա նկատմամբ բռնի գործողություններ կատարելու մեջ։
Բողոքի ակցիային ներկա է նաև այս գործով մայորի փաստաբան Հակոբ Ճարոյանը։
Կարծիքներ