Իսրայելի ծառայություններն ԻՀՊԿ-ի սպայի են ոչնչացրել Իրանում․ ԶԼՄ

Իսրայելի հետախուզական ծառայություններն Իրանում ոչնչացրել են Իսլամական հեղափոխության պահապանների կորպուսի (ԻՀՊԿ) սպային, ով մասնակցել է Դանիայում հրեաների դեմ ահաբեկչություն նախապատրաստելուն։ Այսպիսի հայտարարություն է արել ընդդիմադիր Iran International հեռուստաալիքի լրագրող Փուրիա Զերաատին։

Հաղորդագրության համաձայն՝ ԻՀՊԿ-ի սպան սպանվել է «մի քանի կրակոցից»։ Հեռուստաալիքը մանրամասներ չի հայտնում գործողության, չեզոքացված անձի ինքնության, ինչպես նաև այն մասին, թե երբ և կոնկրետ որտեղ է նա սպանվել։ Զերաատիի հիշատակած ահաբեկչությունը կանխվել է Դանիայի հետախուզական ծառայությունների կողմից Շին Բեթի և Մոսադի մասնակցությամբ 2023 թվականի դեկտեմբերին։ Այնուհետև տեղեկություններ եղան, որ Դանիայում ձերբակալվել են յոթ զինյալներ, որոնք գործում էին ՀԱՄԱՍ-ի հրահանգով և ծրագրում էին հարձակում, որը կարող էր սպանել հրեաներին։