Բայդենը Թրամփի խոսքերը համեմատել է Հիտլերի ելույթի հետ
ԱՄՆ նախագահ Ջո Բայդենը ԱՄՆ նախկին նախագահ Դոնալդ Թրամփի արտահայտությունը «միասնական ռեյխի» մասին համեմատել է նացիստական Գերմանիայի առաջնորդ Ադոլֆ Հիտլերի արտահայտությունների հետ։
Նրա խոսքերը մեջբերել է Սպիտակ տան մամուլի ծառայությունը։
«Թրամփի քարոզարշավը համացանցում հաղորդագրություն է տեղադրել, որ եթե նա հաղթի, դա կլինի միասնական ռեյխը, ինչպես երրորդ ռեյխը:
Սա այն նույն տղան է, ով օգտագործում է ոչ թե Ամերիկայի, այլ Հիտլերի լեզուն»,- ասել է Բայդենը։
Ավելի վաղ Բայդենը Թրամփին ծայրահեղական էր անվանել։ Սպիտակ տան ներկայիս ղեկավարը նախկին նախագահին սպառնալիք է համարում ժողովրդավարությանը։
Կարծիքներ