Համանախագահները մտադիր են այցելել տարածաշրջան, բայց չգիտեն երբ
![Համանախագահները մտադիր են այցելել տարածաշրջան, բայց չգիտեն երբ](https://hraparak.am/uploads/images/a49829bae7dbbbcf7aeaa67d21ebe82c.jpg)
ԵԱՀԿ-ի Մինսկի խմբի համանախագահները մտադիր են մոտ ժամանակներս այցելել տարածաշրջան, սակայն այցի ժամկետները դեռևս ճշտված չեն: Այդ մասին հայտնել է Մինսկի խմբի ամերիկացի համանախագահ Ջեյմս Ուորլիքը՝ պատասխանելով ադրբեջանական APA լրատվական գործակալության հարցին:
«Հակամարտության խաղաղ կարգավորման բանակցություններն առաջ մղելու նպատակով Սոչիի քննարկումները շարունակելու համար նախագահները կարող են հանդիպել աշնանը: Համանախագահները պատրաստ են հնարավորինս աջակցել բանակցություններում առաջընթացի հասնելու համար», - ասել է Ուորլիքը:
«Հայ և ադրբեջանցի ժողովուրդները նույնպես պետք է հասկանան, որ շարունակվող հակամարտությունը իրենց պետությունների շահերից չի բխում: Հուսով եմ, որ մարդիկ կքվեարկեն հանուն խաղաղության», - հայտարարել է ամերիկացի դիվանագետը:
Կարծիքներ