Վարչապետը ԱԺ խոսնակին «աբգոն» արեց

Տիգրան Սարգսյանը որոշել է հետ չմնալ ԱԺ խոսնակ Հովիկ Աբրահամյանից: Վերջինս  հաճախ աշակերտներին հրավիրում է Ազգային ժողով՝ մոտիկից ցույց տալու երկրի երկրորդ դեմքի եւ ազգընտիրների աշխտավայրը, իսկ  առանձնակի ինտելեկտով աչքի ընկնող Տիգրան Սարգսյանը որոշել է «աբգոն» անել գիտելիքներով իրեն անհամեմատ զիջող, սակայն գործունյա 2րդ դեմքին եւ իր ենթակայության տակ գտնվող գերատեսչությունների ղեկավարներին՝ համեմատաբար պարապներին լուրջ գործի լծել՝ ուղարկել է դպրոցներ՝ դասատուություն անելու, ինչը կառավարության լեքսիկոնով կոչվում է ցեղասպանության  թեմայով հատուկ դաս: Կարծես թե դպրոցական դասագրքերից ցեղասպանության թեման հանված է եւ աշակերտները օսմանյան կայսրության ոճրագործության մասին պետքէ տեղեկանային Կրթության եւ գիտության նախարար Արմեն Աշոտյանի ու սփյուռքի ու մշակույթի նախարարուհիների շուրթերից: Հատկապես այն դեպքում, երբ նախարարները նոր բան չտարան դպրոց, ընդամենը ողբաձայն կրկնեցին այն, ինչ բոլորը լսում են  տասնամյակներ շարունակ: Վարչապետի  դպրոցական PR ակցիան  երեկ  մեկնարկեց Նոր նորքի թիվ 69 դպրոցից: Տանտիրոջ իրավունքով բացումն արեց ԿԳ նախարարը: Նա իրենց գործի նշանակությունը ընդգծելու համար՝ երեխաններին հավաստիացրեց, որ վարչապետ Տիգրան Սարգսյանն էլ էր մեծ ցանկություն ունեցել հատուկ դաս անցկացնել, բայց պետական այլ գործերի ծանրաբեռնվածության պատճառով իրենց է հորդորել՝ մշակույթ դարձնել դպրոցական միջավայրի հետ ավելի հաճախ շփվելը: ինչեւէ  մինչ էլիտար դասատուների հատուկ դասը,  նախ դիտեցին օսմանյան ոճրագործության մասին առաջին «Հոգիների աճուրդ» ֆիլմը, որը նկարահանվել է 1917-19 թվականներին ԱՄՆ-ում: Ֆիլմը Չնայած ֆիլմւ համր էր, սակայն բարձրաստիճանների էմոցիաների ինաաբուխ արտահակտման շնորհիվ այդ պակասը չզգացվեց: Թեեւ օսմանյան կայսրության գազանությունների մասին կադրերը նվազագույնը 90 տարի շարունակ  ցուցադրվում են, սակայն  երեկ  տպավորություն էր որ բարձրաստիչճան ըիկնայք առաջին անգամ են դիտում ցեղասպանության մասին պատմող կադրեր: 20 րոպեանոց ֆիլմը ալեկոծեց նրանց հոգիները մինչեւ դեմքի վերջին բջիջը կնճռոտած՝ հետեւոմ էին համր կադրրեին ու ցածրաձայն մեկնաբանություններ անում՝, «վույ ազիզ ջան», «ոնց են կնոջ վրա ձեռք բարձրացնում», եւ այլն, իսկ ավելի հաճախ ատամների արանքից ծպպացնում ու կադրրեի հետ զուգահեռ գլուխները տարուբերում: Ամրակազմ ու թիկնեղ տիկինը՝ Հրանուշ Հակոբյանը, ավելի զգայուն գտնվեց, նա պարզապես չկարողացավ զսպել հուզմունքը եւ գրեթե աննկատ արտասվեց: Հատկապես տիկնանց կոմենտարիաները լսելով՝ «ոնց են կանաց վրա ձեռք բարձրացնում» ակամ հիշեցինք երիտհայերի մարտի 1-ի ոճրագործությունը եւ շատ հետաքրքրեց արդյո՞ք փափկասուն կանայք դեմքի նույն արտահայտությամբ  ու կսկիծով կդիտեին մարտի մեկյան կանաց ու երեխաների, երիտասարդների ջարդի տեսարանները, թե այլախոհության հանգամանքը կմեղմեր կնոջ վրա ձեռք բարձրացնելու անթույլատրելիությունը:



Ընկեր Արմենի դասը` լիցքավորեք գլխուղեղները



Սկսենք համակարգի պատասխանատու Արմեն Աշոտյանի ուսուցչությունից: Ինչպես եւ ակնկալում էինք, Աշոտյանի դասը ավելի ժամանակակից մեթոդով էր ընթանում: Պատմության ոլորաններում շատ չխճճվեց նախարարը: Տպավորիչ էին հատկապես  մասնագիտական խորհուրդները: «Ձեր գլխուղեղները մինչեւ 35 տարեկան լիցքավորեք նոր գիտելիքներով: Սպունգի նման կլանեք այն ամենը, ինչի մեջ դուք ընկղմված եք, իհարկե, ունենալով նաեւ ֆիլտրեր բարոյականության, ինքապաշտպանական, ազգային մտածելակերպի եւ այլնի»: Հավանաբար Աշոտյանն էլ է առաջնորդվել սպունգի մեթոդով, այդ պատճառով բավականին երիտասարդ կարողացավ ընկղմվել պաշտոնների լաբիրինթում ու սպունգի նման քաշել մանդատներ: «Ընկալեք աշխարհը այնպիսին, ինչպիսին, որ կցանկանային այն մարդիկ, որոնք նահատակվել են 95 տարի առաջ»,-շարունակում էր նախարարը: Իհարկե, աշակերտները սպունգի նման կլանում էին Աշոտյանի դասը եւ ոչ ոք չփորձեց ընկեր նախարարից պարզաբանում լսել հատկապես վերջին նախադասության հետ կապված: Այնուամենայնիվ, նա խորհուրդներից անցավ հորդորի առ այն, որ խոսքերը ընդունեն ոչ թե դաս այլ ուղղակի նախարարական բարձր մտորումներ: Իսկ դասը ավարտեց ճիշտ Տիգրան Սարգսյանի պես: «Ամենամեծ հանցանքը այսօր պեսիմիզն է, ձեռքերը թողելն ու ասելն է՝ տնտեսական ճգնաժամ  է, ոչինչ չի ստացվում: …Եթե ներշնչենք, որ հաղթելու ենք ու կառուցելու ենք պետություն այնպիսին, ինչպիսին ուզում ենք բոլորս, ուժեղ դպրոցով, ծախկող տնտեսությամբ, արդարությամբ, կունենանք այդ հասարակությունը»,-աշակերտներին օպտիմիստական հովերով ներշնչեց ԿԳ նախարարը:



Ընկեր Հրանուշի դասը՝ Սերժ Սարգսյանի քարոզ



Դասարանում հատկապես ինքնադրսեւորման յուրահատուկ փորձեր էր անում հրանուշ Հակոբյանը:  Գուցե տարիքային առանձահատկությունից ելնելով՝ վարժապետին հատուկ ոճով էր վարում դասը: Տարերքի մեջ էր, ի տարբերություն գործընկերների մոլորվել էր պատմության բավիղներում: Միայն ասելիքով չէր սպառվում՝ փորձում էր իր զգացածն ու իմացածը հաղորդել երեխաններին նաեւ դեմքի միմիկաններով , մարմնի, ձեռքերի ու մատների ճկուն շարժումներով: Նա ավելի շատ վարժապետին բնորոշ ձեւով էր վարում դասը՝ գլուխը կախ դասարանում քայլելով: Սուլթան Համիդի, Ադանայի ջարդերից, հայերի ցեղասպանությունից  պատմելու ընթացքում  կտրուկ անցնում էր մեր օրեր եւ գովերգում Սերժ Սարգսյանի քաղաքականությունը. «Պատահական չէ, որ վերջին մի քանի երկրներում հանրապետության նախագահ Սերժ Սարգսյանը խոսում է հայրենազրկման մասին: Մեզ հայրենազրկեցին, մեր ձեռքից վերցրեցին հայրենիքը, սա եւս շատ կարեւոր է, որ հասկանանք»: Տիկնոջ խոսքերից տպավորություն է ստեղծվում, թե մինչ Սերժ Սարգսյանի նախագահելը, մենք կարծում էին, թե միայն տուն ու տեղ ենք կորցրել, եւ միայն վերջերս պարզ դարձավ, որ Արարատից անդին  նաեւ հայրենիք ենք թողել: Իսկ իրենց՝ պաշտոնյանների անգործության պատասխանատվությունը թողեց նոր սերդի ուսերին՝ ակնարկելով, որ 20 տարում տնտեսապես զարգացած երկիր չեն ստեղծի, ժամանակ է պետք «Դուք եք այն սերունդը, որ ուրիշ ժամանակներ չեք ապրել, մեր սերունդը երկու ես ով է ապրել, իսկ դուք ազատ, անկախ քաղաքացիներ եք, դուք պետք է  ձեր երկիրը կառուցեք»: Մի խոսքով, ընկեր Հրանուշը ավելի հաջող դիրիժորություն կաներ, քան վարժապետություն: Իսկ ընկեր Հասմիկի  դասը իր ոլորտի շրջանակում էր՝ տաղտուկ ու միապաղաղ, ինչպես մեր մշակույթը: