60 մլն դրամի խրախուսում «Երևաննախագծի» աշխատակիցներին
![60 մլն դրամի խրախուսում «Երևաննախագծի» աշխատակիցներին](https://hraparak.am/uploads/images/2024/06/image_750x_667ede9734f8a.jpg)
Երեւանի քաղաքապետ Տիգրան Ավինյանը հունիսի 7-ին հրաման է ստորագրել «Գումար հատկացնելու մասին»: Համաձայն հրամանի, Ավինյանը հանձնարարել է Երևանի քաղաքապետարանի աշխատակազմի ֆինանսական վարչության պետին՝ Երևան քաղաքի 2024 թվականի բյուջեով, «Երևաննախագիծ» ՓԲ ընկերությանը հատկացնել 60 միլիոն դրամ՝ «Երևաննախագիծ» ՓԲ Ընկերության աշխատակիցներին դրամական խրախուսում հատկացնելու համար ֆինանսական աջակցություն ցուցաբերելու նպատակով:
Թե ինչ աշխատանքի համար է քաղաքապետը որոշել խրախուսել այս ընկերության աշխատակիցներին, այն էլ ոչ ավել ոչ պակաս` 60 մլն. դրամով, փորձել ենք պարզել քաղաքապետարանից` գրավոր հարցում ներկայացնելով, որը ստանալուն պես` կհրապարակենք:
Կարծիքներ