Կովին ցուլը պատճառել Է մարմնական վնասվածք՝ կոտրելով ոտքը․ պատգամավորը «ղժժալու» բան է գտել
Երեկ Ազգային ժողովի պատգամավոր Կարեն Սարուխանյանն իր ֆեյսբուքյան էջում հրապարակել էր Շիրակի մարզի վարչական ղեկավարներից մեկի կողմից արված արձանագրությունը, կից գրել․
«Եվ սա՜ կատակ չէ, և սա՜ իրականություն է, և սա՜ այսօր է տեղի ունեցել։ Մարդ չգիտի` լա՞, թե՞ խնդա»։
Մինչդեռ Ամասիա խոշորացված համայնքի Ծաղկուտ գյուղի վարչական ղեկավար Հովհաննես Մադոյանն ընդամենը արձանագրել է․
«Արձանագրվում է առ այն մասին, որ Բդոյան Հակոբին պատկանող կովին ցուլը թռել է վրան և պատճառել մարմնական վնասվածք՝ կոտրելով ոտքը»։
Այսօր, սակայն, նկատեցինք, որ պատգամավորը գրառումը հեռացրել է՝ հավանաբար, հաշվի առնելով այն քննադատությունները, որոնք արվել էին գրառման մեկնաբանությունում։ Քաղաքացիները նկատել էին, որ պատգամավորը անհեթեթ պահվածք է դրսևորել՝ փորձելով ժարգոնով ասած՝ «ղժժալ» կատարվածի վրա ։
Նկատենք նաև, որ չնայած պատգամավորը հեռացրել է գրությունը, այն համացանցում արդեն լայն տարածում է գտել։
Կարծիքներ