Ֆրանսիայի վարչապետի գլխավոր հավակնորդը՝ Ուկրաինայի և Ռուսաստանի մասին
![Ֆրանսիայի վարչապետի գլխավոր հավակնորդը՝ Ուկրաինայի և Ռուսաստանի մասին](https://hraparak.am/uploads/images/2024/06/image_750x_667e4935e5618.jpg)
Ֆրանսիական աջակողմյան «Ազգային միավորում» կուսակցության ղեկավար Ժորդան Բարդելլան, ով արտահերթ խորհրդարանական ընտրություններից առաջ վարկանիշներով առաջատար է, վստահեցրել է, որ վարչապետ նշանակվելու դեպքում զորք չի ուղարկի Ուկրաինա։ Այս մասին նա հայտարարել է France 2-ի հեռուստատեսային բանավեճի ժամանակ։
«Եթե վաղը ստանձնեմ վարչապետի պաշտոնը, ֆրանսիացի զինվորները չեն ուղարկվի Ուկրաինայի տարածք»,- ասել է Բարդելլան՝ ընդգծելով, որ «զորքեր ուղարկելը Ֆրանսիային կդարձնի հակամարտության կողմ»։
Նրա խոսքով, եվրոպական շատ պետություններ դեմ են դրան։
«Եվրոպական շատ երկրներ չեն ցանկանում, որ իրենց զինվորները ուղարկվեն Ուկրաինա»,- նշել է նա։
Բարդելլան ընդգծել է, որ մտադիր է խուսափել Ռուսաստանի Դաշնության հետ հարաբերությունների էսկալացիայից, «որը միջուկային տերություն է»։
«Այդ պատճառով ես դեմ եմ Կիևին հեռահար հրթիռներ մատակարարելուն, որոնք կարող են օգտագործվել ռուսական տարածքին հարվածելու համար», - ասել է քաղաքական գործիչը:
Կարծիքներ