ՌԴ-ում հետախուզվող Կալլասը՝ ԵՄ դիվանագիտության ղեկավարի պաշտոնու՞մ. Կրեմլի արձագանքը
Hraparak
28 Հունիս 2024 | 19:00
0
Էստոնիայի վարչապետ Կայա Կալլասը, ում թեկնածությունը ԵՄ ղեկավարները հաստատել են ԵՄ արտաքին գործերի և անվտանգության քաղաքականության հարցերով բարձր ներկայացուցչի պաշտոնում, հայտնի է «ռուսաֆոբ հայտարարություններով», «Մոսկվայի և Բրյուսելի հարաբերությունների հեռանկարները վատ են»: Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը, հայտնում է РБК-ն։
Մեկնաբանելով Եվրահանձնաժողովի ղեկավարի պաշտոնում կրկին առաջարկված Ուրսուլա ֆոն դեր Լեյենի թեկնածությունը, Պեսկովը նշել է, որ նա հարաբերությունների կարգավորման կողմնակից չէ, «այստեղ ոչինչ չի փոխվում»։
«Տիկին Կալլասը նույնպես դիվանագիտական հակումներ չի դրսևորել մինչ այժմ և մեզ հայտնի է իր բացարձակ անհաշտ և երբեմն նույնիսկ կատաղի ռուսաֆոբ հայտարարություններով։ Ուստի մենք չենք կարծում, որ եվրոպական դիվանագիտությունը ինչ-որ կերպ կգործի հարաբերությունների կարգավորման օգտին։ Մոսկվայի և Բրյուսելի հարաբերությունների հեռանկարները վատ են»,- ասել է Պեսկովը։
Հավելենք, որ Ռուսաստանի ՆԳՆ-ն Կալլասի նկատմամբ հետախուզում է հայտարարել 2024 թվականի փետրվարին:
Կարծիքներ