Բրիտանիայում չեն բացառում ցանցահենների ազդեցությունը Brexit-ի արդյունքների վրա
hraparak
12 Ապրիլ 2017 | 12:00
0
Օտարերկրյա ցանցահենները, հնարավոր է, կարողացել են ազդել ԵՄ կազմից Մեծ Բրիտանիան դուրս բերելու հարցով հանրաքվեի արդյունքների վրա, զգուշացնում են բրիտանացի խորհրդարանականները:
Ինչպես գրում է Telegraph թերթը, հղում կատարելով խորհրդարանական խմբակցությանը, պաշտոնական կայքը, որտեղ քվեարկությանը մասնակցելու նպատակով գրանցվում էին քաղաքացիները, գրանցման ավարտից մի քանի ժամ առաջ դադարել է գործել, ինչի պատճառով երկարացվել է գրանցման ժամանակը: Իշխանությունների տվյալներով` կան նշաններ այն մասին, որ դա կարող էր տեղի ունենալ հզոր կիբերհարձակման պատճառով:
Հիշեցնենք, որ Միացյալ Թագավորությունում ԵՄ կազմից դուրս գալու հարցով հանրաքվեն տեղի է ունեցել2016թ. հունիսի 23-ին: Brexit-ի օգտին քվեարկել էր բրիտանացիների 51,9 տոկոսը: ՄԲ վարչապետ Թերեզա Մեյը 2017 թվականի մարտի 29-ին տվել է երկիրը ԵՄ կազմից դուրս բերելու գործընթացի մեկնարկը:
Կարծիքներ