Իրանի արտգործնախարարը ելույթ կունենա ՄԱԿ-ում

Իրանի արտգործնախարար Հուսեյն Ամիր Աբդուլլահիանն այսօր՝ փետրվարի 27-ին ելույթ կունենա Ժնևում՝ ՄԱԿ-ի Մարդու իրավունքների խորհրդի նիստում։ Այդ մասին տեղեկությունը տարածել է Associated Press-ը։

Նշվում է, որ ՄԱԿ-ի գլխավոր քարտուղար Անտոնիո Գուտերեշի մասնակցությամբ կայանալիք հանդիպմանը Իրանի արտգործնախարարից բացի կմասնակցեն Ռուսաստանի բարձրաստիճան ներկայացուցիչը, Ֆրանսիայի և Գերմանիայի բարձրաստիճան դիվանագետներ։