Ցանցահենները փորձել են թունավորել մի ամբողջ քաղաքի խմելու ջուրը

Միացյալ Նահանգներում ցանցահենները կոտրել են Ֆլորիդա նահանգի Օլդսմար քաղաքի ջրամատակարարման մաքրությանը հետեւող ձեռնարկության համակարգչային համակարգը։ Այս մասին հայտնում է Tampa Bay Times պարբերականը։ Ցանցահենները նաեւ փորձել են ավելացնել ջրի մեջ վնասակար քիմիկատների պարունակությունը եւ թունավորել քաղաքի բնակիչներին։

TeamViewer-ի օգնությամբ, ցանցահենները հասանելիություն են ձեռք բերել ձեռնարկության աշխատակիցներից մեկի համակարգչի հանդեպ եւ փորձել հարյուրապատիկ անգամները ավելացնել ջրում պարունակվող ալկալիների քանակը, որը օգտագործվում է ջրի թթվայնության կարգավորման համար։ Եթե նրանց դա անել հաջողվեր, ապա քաղաքի տասնհինգ հազարանոց բնակչությունը կթունավորվեր։ Աշխատակիցները ժամանակին նկատել են եւ կանխել ալկալիների արտահոսքը։ Սկսվել է քննություն, որն իրականացվելու է ոստիկանության եւ Հետաքննությունների դաշնային բյուրոյի կողմից։