Լրագրային շանսոն

Դժոխքի պահակը զանգում է դրախտի պահակին.

- Էս երկու օրը Երևանի քաղաքապետարանից մի ամբողջ խմբակցություն են բերելու մոտս, բայց տեղուդադար չկա, կլինի՞ մի քանի օրով քեզ մոտ տեղավորես...

- Կի՞ն են, թե՞ տղամարդ:

- Ի՞նչ տարբերություն:

- Դրախտի համար կա տարբերություն:

-Հա՛ա՛ա՛, խառն են:

- Քանի՞ հոգի են, շա՞տ են:

- Երեք «Բոգդան»...

***

Ռուզաննա Խաչատրյանի  վերջին գրառումներից հետո բանակ գնալու հերթեր են գոյացել, իսկ որոշ պաշտոնյաներ էլ անցել են հատուկ սննդակարգի (դիետայի) և վերսկսել փորի ու շրթունքների մարզումները:

***

Տեսնես քանի՞ պաշտոնյա Ռուզաննա Խաչատրյանի գրառումները կարդալուց հետո մտքի մեջ չասաց. «Արա, մարդ սենց կնիկ կունենա, բա չէ, մերի պես...»:

***

ՀՀ ԱԺ ազգությամբ եզդի պատգամավորը Դավիթ Հարությունյանից հետաքրքրվում է.

- Պարոն Հարությունյան, հիմա խնձորով հարսի գլխին խփելը ընտանեկան բռնությո՞ւն է...

Դավիթ Հարությունյանը փրփրում է, սառնարանից մի խնձոր հանում ու պատգամավորին ասում.

-Հլա կանգնի էն պատի տակ...

***

«Ծառուկյան դաշինք»-ի պատգամավորները պահանջել են փոփոխություն կատարել «Ընտանեկան բռնությունների մասին» օրենքում` բռնություն համարվող գործողությունների ցանկում ավելացնելով «բամփելը կամ դրա սպառնալիքը» բառերը:

Էդիկ Անդրեասյան