Ալիկ Սարգսյանը մենագրություններ է գրում

ՀՀ ոստիկանապետ Ալիկ Սարգսյանը, պարզվում է, ոչ միայն պայքարում է հանցավորության դեմ, բիզնեսներ եւ անշարժ գույք ունի, այլեւ, ըստ ոստիկանության պաշտոնական կայքում տեղադրված կենսագրականի, գիտական հոդվածների, անգամ մենագրության հեղինակ է: Քանի որ ոստիկանապետի մեմուարներն ու հույզերը բավական հետաքրքիր կլինեն հանրությանը, երեկ մենք դիմեցինք ՀՀ ոստիկանության մամուլի եւ հասարակայնության վարչություն՝ խնդրելով մեզ փոխանցել ոստիկանապետի մենագրությունը: Թերեւս մենագրության վրա հերթական "Կյանքի գինը" կնկարահանեն: Վարչության պետ Սայադ Շիրինյանը խոստացավ Ալիկ Սարգսյանի հետ խորհրդակցելուց հետո տրամադրել: Նա թեեւ կարդացել էր Ալիկ Սարգսյանի գիտական հոդվածները, սակայն պարունակությունը չկարողացավ նշել: