Դատարանը մերժեց Նիկոլ Փաշինյանի դիմումը (վիդեո)

Այսօր «Կոշ» ՔԿՀ-ում դռնբաց դատական նիստում շարունակվում էր «Հայկական ժամանակ» օրաթերթի խմբագիր, քաղբանտարկյալ Նիկոլ Փաշինյանի բողոքի լսումն ընդդեմ «Նուբարաշեն» ՔԿՀ պետ Տիգրան Նավասարդյանի: Փաշինյանը պահանջում էր «Նուբարաշեն» ՔԿՀ-ի պետին պարտավորեցնել փոխել իր պատժաչափի չկրած մասի կրճատման մասին որոշումը՝ կատարելով վերահաշվարկ: Փաշինյանը պնդում է, որ իր պատժաչափը 4 ամիս 29 օրով երկարաձգելու որոշումն անօրինական է: Սակայն դատարանը՝ Սուրեն Մնոյանի նախագահությամբ, այսօր մերժեց Նիկոլ Փաշինյանի դիմումը: Փաշինյանը դատարանի դահլիճում հայտարարեց, որ ինքը հանուն ազատ, անկախ եւ երջանիկ Հայաստանի համար պայքարելու է մինչեւ վերջ՝ լինի ազատության մեջ, թե բանտում: