«Հայաստանը մեզ է վերադարձրել 4 գյուղերը»․ Ալիևը՝ Շոլցին
Hraparak
26 Ապրիլ 2024 | 16:12
0
«Հայաստանի և Ադրբեջանի միջև ընթացող գործընթացի արդյունքում սկսվեց սահմանազատում, նույնիսկ սահմանագծում։ Մեզ են վերադարձվել 1990 և 1992 թվականներին օկուպացված 4 ադրբեջանական գյուղեր»։
Այդ մասին Ադրբեջանի նախագահ Իլհամ Ալիեւը հայտարարել է Գերմանիայի կանցլեր Օլաֆ Շոլցի հետ՝ Բեռլինում կայացած համատեղ մամուլի ասուլիսում։
Նշելով, որ Ադրբեջանում տեղակայված ռուս-թուրքական համատեղ մոնիտորինգի կենտրոնն այսօր առավոտյան դադարեցրել է իր գործունեությունը, Ալիևն ընդգծել է.
«Այսինքն՝ խաղաղության հասնելու շատ լավ հնարավորություններ կան։ Մենք պատրաստ ենք համագործակցել այն երկրների հետ, որոնք ցանկանում են մեզ օգնել այս հարցում»։
«Մենք բարձր ենք գնահատում Հայաստանի և Ադրբեջանի միջև ընթացող խաղաղ բանակցությունները»,- նշել է նա և հիշեցրել, որ օրերս Ադրբեջանի և Հայաստանի արտգործնախարարները հանդիպել են Գերմանիայում՝ կանցլեր Օլաֆ Շոլցի հրավերով։
«Այդ մակարդակով հաջորդ հանդիպումը ծրագրվելու է Ղազախստանում։ Այսպիսով, մենք հավելյալ քայլեր ենք ձեռնարկում խաղաղության պայմանագրի ստորագրման ուղղությամբ»,- հավելել է ադրբեջանցի ղեկավարը։
Կարծիքներ