ՌԴ-ն միջուկային զե՞նք կկիրառի․ Պուտինը հանձնարարել է
Ռուսաստանի Դաշնության գլխավոր շտաբը, երկրի նախագահ Վլադիմիր Պուտինի հանձնարարությամբ, սկսել է մոտ ապագայում ավիացիայի և ռազմածովային ուժերի ներգրավմամբ Հարավային օկրուգի հրթիռային կազմավորումների վարժանքների նախապատրաստական աշխատանքները։ Այս մասին հայտնում է ՌԴ ՊՆ-ն։
Զորավարժությունների ընթացքում կիրականացվեն մի շարք միջոցառումներ՝ ոչ ռազմավարական միջուկային զենքի պատրաստման և կիրառման նպատակով։
Հարավային ռազմական օկրուգի հրթիռային կազմավորումների զորավարժությունները ուղղված են անձնակազմի և տեխնիկայի պատրաստվածության պահպանմանը, ինչպես նաև պատասխան են արևմտյան առանձին պաշտոնյաների սադրիչ հայտարարություններին և սպառնալիքներին, նշել է ՌԴ ՊՆ-ն։
«Զորավարժությունները ուղղված են ստորաբաժանումների անձնակազմի և սարքավորումների պատրաստականության պահպանմանը ոչ ռազմավարական միջուկային զենքի մարտական կիրառման համար՝ պատասխանելու և անվերապահորեն ապահովելու Ռուսաստանի պետության տարածքային ամբողջականությունն ու ինքնիշխանությունը՝ ի պատասխան արևմտյան առանձին պաշտոնյաների՝ ընդդեմ Ռուսաստանի Դաշնության արված սադրիչ հայտարարությունների և սպառնալիքների»,- ասվում է հայտարարության մեջ։
Կարծիքներ