Թբիլիսյան խճուղի հասցեում գտնվող թիվ հ. 3/2 շենքի վերաբերյալ

«Հրապարակ» օրաթերթի գլխ. խմբագիր`

տիկին Արմինե Օհանյանին

Հարգելի տիկին Օհանյան

Ներկայացնում ենք գործընթացի իրական և անժխտելի փաստարկները.

Տեղեկանք

Թբիլիսյան խճուղի հասցեում գտնվող

թիվ հ. 3/2 շենքի վերաբերյալ

Հաշվի առնելով կազմակերպության ներդրած ավանդը մատաղ սերնդի ֆիզիկական դաստիարակության և հայրենական սպորտի զարգացման գործում, ինչպես նաև սաների հաջողությունները Աշխարհի, Եվրոպայի և Օլիմպիական խաղերի առաջնություններում, ՀԽՀ Պրոֆտեխկրթության պետական կոմիտեի նախագահի 1988թ.-ի հունիսի 7-ի թիվ 67 հրամանի Երևանի թիվ - 9 ՊՏՈՒ-ի հանրակացարանային չորս հարկանի շենքը 2908,8 քառ. մ տարածքով, բալանսային հաշվեկշռով տրվել է «Աշխատանքային ռեզերվներ» ՄՀԿ-ին և այն վերակազմավորվել է բարձրակարգ սպորտսմենների համար որպես Օլիմպիական պատրաստման կենտրոն և դադարել է գործել որպես հանրակացարան: Այսինքն, շենքը որպես գույք սեփականաշնորհվել է դեռ ԽՍՀՄ տարներին և դադարել է գործել որպես հանրակացարան` վերակազմավորվելով հյուրանոցի: Դա է վկայում 1989 թ. կնքված պայմանագիրը «Աշխատանքային ռեզերվներ» կամավոր մարզական ընկերության նախագահի և թիվ – 9 ուսումնարանի տնօրենի միջև հետևյալի մասին` (մեջբերում պայմանագրից “Арм. респ. совет ВДСО «Трудовые резервы» предоставляет СПТУ N 9 под аренду правую часть I – II – III этажей здания гостиницы центра олимпийской подготовки (ЦОП)): Այսինքն, խոսքը գնում է հյուրանոցի, այլ ոչ թե հանրակացարանի մասին:  Ուստի բոլոր այն պնդումները, որ շենքը սեփականաշնորհվել է 2003 թ., անհիմն են և չեն համապատասխանում իրականությանը:



2002 թ. կատարվել է տեխնիկական գործարք և համաձայն Երևանի քաղաքապետարանի 2002թ.-ի նոյեմբերի 25-ի թիվ 2129-Ա որոշման, Թբիլիսյան խճուղու հ.3/2 հասցեում գտնվող «Աշխատանքային ռեզերվներ» մարզական հասարակական կազմակերպությանը պատկանող շինությունների զբաղեցրած 8315,0 քառ. մ մակերեսով հողատարածքը տրամադրվել է ընկերությանը անհատույց (մշտական) օգտագործման իրավունքով:



Համաձայն քաղաքապետարանի վերոհիշյալ որոշման ք. Երևան Թբիլիսյան խճուղի հասցեում գտնվող թիվ հ.3/2 շենքը թիվ 3-12915 հողամասի անհատույց օգտագործման հիման վրա պայմանագրի 13.01.2003թ. հաշվեկշռության տեղեկանքի գրանցվել է ՀՀ կառավարությանն առընթեր անշարժ գուքի կադաստրի պետական կոմիտեի` գույքի նկատմամբ իրավունքների պետական գրանցման միասնական 1-2 մատյանի 000 161 համարի տակ և այն հաստատվել է 2003թ. հունվարի 22-ի ՀՀ կառավարությանն առընթեր անշարժ գույքի կադաստրի պետական կոմիտեի Արաբկիրի տարածքային ստորաբաժանման ղեկավարի կողմից:



 

Լրացուցիչ տեղեկություններ

1989թ.-ի «Աշխատանքային ռեզերվներ» ՄՀԿ-ի և թիվ - 9 ՊՏՈՒ-ի միջև կնքվել է 10-ը տարով պայմանագիր` Օլիմպիական պատրաստման կենտրոնի 980 քառ. մ տարածքում գտնվող 39 սենյակներում թույլատրել բնակվելու ուսումնարանում սովորող ծնողազուրկ երեխաներին: 1999 թ. հունվարի 4-ին այն երկարացվել է ևս 5 տարով: Նախկին ուսումնարանի տնօրենը, շրջանցելով պայմանագրում նշված կետերը, սենյակների մի մասում թույլատրել է բնակվեն անհայտ մարդկանց, որոնք կազմում են շուրջ 18 ընտանիքներ: Տարիների ընթացքում (գրեթե յուրաքանչյուր տարի), ամեն ընտրություններից առաջ հանրակացարանի բնակիչները (բացառությամբ ծնողազուրկ երեխաների) դիմել են ՀՀ տարբեր նախարարություններին և գերտեսչություններին (ՀՀ նախագահի աշխատակազմին, Երևանի քաղաքապետարանին և ոստիկանությանը, ՀՀ վարչապետին, Արաբկիրի թաղային համայնքին և ոստիկանությանը, ՀՀ կրթության և գիտության նախարարությանը, ՀՀ առողջապահության նախարարությանը, ՀՀ աշխատանքի և սոցիալական հարցերի նախարարությանը, ՀՀ սպորտի և երիտասարդության հարցերի նախարարությանը, բազմաթիվ ՀԿ-ների, լրատվական միջոցներին` «Առավոտ», «Հայացք» օրաթերթերին, «Ար», «Արմնյուզ» հեռուստաընկերություններին և այլն), խնդրանքով իրենց ճանաչել սեփականության իրավահաջորդ` նպատակ ունենալով իրենց կողմից բնակվող սենյակները սեփականաշնորհելու համար: Վերադաս բոլոր կառույցների կողմից համապատասխան ուսումնասիրություններ կատարելուց հետո դիմորդներին գրավոր տեղեկացվել է, որ հարցը պետք է լուծել շենքի սեփականատիրոջ` «Աշխատանքային ռեզերվներ» մարզական հասարակական կազմակերպության հետ: (Ուսումնասիրության բոլոր փաստաթղթերը առկա են):



Բնակիչները դժգոհություն են հայտնում նաև բնակվարձի վերաբերյալ, պատճառաբանելով, որ գանձումներն անօրինական են` հաշվի առնելով, որ կազմակերպությունը շահույթ չհետապնդող հիմնարկ է: Այս առումով ներկայացնում ենք բնակիչների մուտքերը և կազմակերպության ելքերը շենքի պահպանման ծախսերի համար: Եվ այսպես.



 



2012 թ. մուծումները ընդհանրապես դադարեցվել են:



Միաժամանակ հայտնում ենք, որ հարցը վերջնականապես դրականորեն լուծելու համար անհրաժեշտ է, որ կառավարության հանձնարարությամբ բոլոր շահագրգիռ պետական կառավարման մարմինների կողմից ստեղծվի միջգերատեսչական հանձնաժողով, որը կուսումնասիրի ստեղծված իրավիճակի խոչընդոտները և օրենքի սահմաններում բնակիչների կողմից զբաղեցրած տարածքները կադաստրային արժեքով կգնի սեփականատիրոջից և բնակելի տարածքները կտրամադրվեն բնակիչներին:



Միաժամանակ հարկ է նշել, որ 1988 թ.-ից շենքի պահպանման հետ կապված բոլոր ծախսերը (ներառյալ հողահարկ, գույքահարկ) հոգացել է «Աշխատանքային ռեզերվներ» մարզական հասարակական կազմակերպությունը:



Չանրադառնալով բնակիչների ընտանեկան բարոյահոգեբանական կյանքին, փաստում ենք, որ նման ընտանիքները իրենց քաղաքացիական կեցվացքով խոչընդոտում են շրջապատի բնականոն ապրելակերպին: Այդ մասին կան համապատասխան հրապարակումներ:



ՕՊԿ ադմինիստրացիա