Արմեն Ավետիսյանն ու Արմենուհի Մելքոնյանն երկրորդ երեխան են ունեցել

Հայ Արիական Միաբանության առաջնորդ Արմեն Ավետիսյանն ու «Լուսանցքի» գլխավոր խմբագիր Արմենուհի Մելքոնյանը երկրորդ երեխան են ունեցել: Թերթի խմբագրական խորհուրդը հայտարարություն է տարածել, որում մասնավորապես ասվում է հետեւյալը. ««Լուսանցք» շաբաթաթերթի հարգելի բաժանորդներ եւ բոլոր ընթերցողներ, այսօրվա անակըկալի պատճառով վաղը «Լուսանցք»-ը լույս չի տեսնի, ուստի հայցում ենք ձեր ներողամտությունը: Առավոտյան շաբաթաթերթի գլխավոր խմբագիրը շտապ ծննդատուն է տեղափոխվել՝ անսպասելի հանգամանքների բերումով, ինչը խաթարել է «Լուսանցք»-ի այս տարվա թիվ 4 (394) թողարկման հրատարակումը: Չհրատարակված համարը մեր ընթերցողների սեղանին կհայտնվի մյուս շաբաթ, իսկ մենք, վստահ ենք նաեւ մեր ընթերցողները, միասին շնորհավորենք գլխավոր խմբագրին՝ Արմենուհի Մելքոնյանին՝ երկրորդ զավակն ունենալու առթիվ: Շնորհավորում ենք նաեւ Հայ Արիական Միաբանության առաջնորդ Արմեն Ավետիսյանին՝ որդի ունենալու մեծ երջանկության առիթով… Վարդավառի տոնին ընդառաջ ծնված Աստղիկ դստրիկին եղբայր է ծնվել՝ Արեգը, ով լույս աշխարհ եկավ արդեն Տրնդեզին, Տիեզերքի Տիրոջ՝ Արարչի տոնին ընդառաջ…»: