Գագիկ Խաչատրյանի եղբորորդու կալանքի ժամկետը երկարացվեց ևս 2 ամսով
Դատարանը որոշում կայացրեց երկարաձգել Պետական եկամուտների կոմիտեի (ՊԵԿ) նախկին նախագահ Գագիկ Խաչատրյանի եղբորորդու՝ Կարեն Խաչատրյանի կալանքի ժամկետը երկարացնել ևս 2 ամսով։
Լրագրողների հետ զրույցում Գագիկ Խաչատրյանի փաստաբանական խմբի ներկայացուցիչ Ամրամ Մակինյանը նշեց, որ որոշումը սպասելի էր իրենց համար։
Հիշեցնենք, որ Կարեն Խաչատրյանը նախկինում աշխատել է ՊԵԿ-ում, մեղադրվում է առանձնապես խոշոր չափով վատնում կատարելու մեջ: Ազգային անվտանգության ծառայությունը նրան ձերբակալել է օգոստոսի 27-ին: Նույն գործի շրջանակներում մեղադրանք է առաջադրվել նաև Խաչատրյանի հորեղբորը՝ ՊԵԿ նախկին նախագահ, ֆինանսների նախկին նախարար Գագիկ Խաչատրյանին:
Վերջինս մեղադրվում է պաշտոնեական դիրքի չարաշահման և առանձնապես խոշոր չափով վատնում կատարելու մեջ:
Մանրամասները՝ տեսանյութում։
Կարծիքներ