ԱՄՆ-ի և ՌԴ-ի ՊՆ նախարարներն առաջին անգամ քննարկել են Ուկրաինայի պատերազմը
![ԱՄՆ-ի և ՌԴ-ի ՊՆ նախարարներն առաջին անգամ քննարկել են Ուկրաինայի պատերազմը](https://hraparak.am/uploads/images/2024/06/image_750x_667ba8ee85426.jpg)
Պենտագոնի ղեկավար Լլոյդ Օսթինը Ռուսաստանի պաշտպանության նախարար Անդրեյ Բելոուսովի հետ առաջին անգամ քննարկել է Ուկրաինայի հակամարտությունը։ Այս մասին հայտարարել է ամերիկյան ռազմական գերատեսչության ներկայացուցիչ Պատրիկ Ռայդերը։
«Օսթինը խոսել է Բելոուսովի հետ, նրա հետ քննարկել Ուկրաինայի շուրջ հակամարտությունը։ Նա ընդգծել է ԱՄՆ-ի և Ռուսաստանի զինված ուժերի միջև հաղորդակցության պահպանման կարևորությունը»,- ասել է Ռայդերը YouTube-ում ճեպազրույցի ժամանակ։
Նա նշել է, որ նախարարների զրույցը կայացել է ամերիկացիների նախաձեռնությամբ։
«Նախարարն արեց դա»,- ասել է Ռայդերը՝ պատասխանելով հարցին, թե ով է նախաձեռնել ռազմական գերատեսչությունների ղեկավարների զրույցը։ Պենտագոնի ներկայացուցիչը հավելյալ տեղեկություն չի հայտնել։
Կարծիքներ