ՀՀ քաղաքացիները պատրաստվում են Իսրայելից մեկնել Հայաստան (լուսանկարներ)

Տեղեկացրել ենք, որ Իսրայելի Թել Ավիվ քաղաքից 220 ՀՀ քաղաքացու Երևան տեղափոխելու համար հատուկ չվերթի ինքնաթիռն արդեն մեկնել է «Զվարթնոց» միջազգային օդանավակայանից։ ՀՀ քաղավիացիայի կոմիտեի մամուլի ծառայությունից մանրամասնել են, որ չվերթն իրականացվելու է «Հայկական ավիաուղիներ» ընկերության կողմից։ 

Նախնական տվյալներով՝ Երևանի ժամանակով 13:00-ին «Հայկական ավիաուղիների» օդանավը կմեկնի Հայաստանի մայրաքաղաք և կժամանի 15։30-ին։

Ինչպես հայտնում է Պետախ Տիկվայի «Նաիրի» իսրայելահայերի միության հիմնադիր Արտյոմ Չերնամորյանը, այս պահին Բեն Գուրիոնի անվան միջազգային օդանավակայանում ՀՀ դեսպանատունը՝ դեսպան Արման Հակոբյանի գլխավորությամբ կազմակերպում է չվերթի գրանցումը։