Արգելանք ստացած պանիր արտադրող 18 ընկերություններից 17-ը վերսկսել է իր գործունեությունը
hraparak
15 Նոյեմբեր 2012 | 11:40
0
Պանրի արտադրության ոլորտում իրականացված պետական վերահսկողության շրջանակներում հայտնաբերված խախտումների արդյունքում արտադրական առանձին գործառույթների արգելանք ստացած 18 ընկերություններից 17-ն արդեն վերսկսել են իրենց գործունեությունը: Այս մասին հայտնել է ՀՀ գյուղատնտեսության նախարարության սննդամթերքի անվտանգության և որակի հսկողության տեսչության պետի ժամանակավոր պաշտոնակատար Արման Արարարտյանը:Արգելանքը հանվել է՝ հիմք ընդունելով նրանց կողմից բավարար միջոցառումների անցկացումը: Ստուգման արդյունքում արտադրողների կողմից ոչ մի բողոքարկում չի եղել:
Ա.Արարատյանը նշել է նաև, որ տվյալ ընկերություններում բավականին երկար ժամանակ ստուգումներ չեն իրականացվել, և այդ ստուգայցը նրանց համար եղել է անկանխատեսելի: «Նրանց հետ ուսուցողական աշխատանք է տարվել, եղել են նաև այնպիսի արտադրողներ, ովքեր բացարձակ տեղեկություն չունեին 2006թ-ից գործող օրենքի, տվյալ արտադրատեսակը բնորոշող կանոնակարգի և դրա արտադրության կազմակերպման համար անհրաժեշտ միջոցառումների անցկացման մասին»,- ասել է նա:
Կարծիքներ