Հա՞յ ես՝ պատմիր Ցեղասպանության մասին
![Հա՞յ ես՝ պատմիր Ցեղասպանության մասին](https://hraparak.am/uploads/images/1dea6c12555bf9468f25bdd834dbb31a.jpg)
Երեխաներն իրենց ձեռքով անմոռուկներ են պատրաստում, 100 բարձ են ասեղնագործում զոհված մտավորականների անուններով, հայկական ծագումով համաշխարհային աստղերը միմյանց հետ մրցում են Հայոց ցեղասպանության վերաբերյալ գրառումներով ու հայտարարություններով: Սա կոչվում է՝ Ցեղասպանության 100-ամյա տարելիցին մնացել է 10 օր: Բրիտանական «Գարդիան» պարբերականն էլ ուշագրավ նախաձեռնությամբ է հանդես եկել Հայոց ցեղասպանության 100-րդ տարելիցին ընդառաջ: Հեղինակավոր պարբերականը «Ինչպե՞ս է Հայոց ցեղասպանությունը փոխել ձեր պատմությունը» վերնագրով հայտարարություն-հոդվածում կոչ է արել ողջ աշխարհի հայերին կիսվել Հայոց ցեղասպանության մասին իրենց պատմություններով: «Եթե դուք ապրում եք Հայաստանում կամ սփյուռքահայ եք ու ապրում եք արտասահմանում, ապա մենք կուզենանք լսել ձեր պատմությունները, թե ինչպես է ցեղասպանությունը փոխել ձեր ընտանիքի պատմությունը:
Եթե ունեք ցեղասպանության դեպքերը փաստող նկարներ կամ փաստաթղթեր, եթե ձեր ընտանիքը կամ նախնիները փրկվել են ջարդերից, կարող եք այդ ամենն ուղարկել մեզ: Այդ պատմությունները կօգնեն պարզել, թե ինչպես է ցեղասպանությունը փոխել այս կամ այն ընտանիքի պատմությունը: Մենք ցանկանում ենք նաեւ իմանալ, թե ինչպես եք պատրաստվում նշել այդ դեպքերի 100-րդ տարելիցը, եւ եթե դուք պատրաստվում եք տարելիցը նշել ինչ-որ յուրահատուկ ձեւով, խնդրում ենք կիսվել մեզ հետ»,- նշված է հայտարարության մեջ: «Գարդիանի» խմբագրությունը խնդրում է այդ ամենը գրել հոդվածի ներքեւում (տես «How did the Armenian genocide shape your history?», Theguardian.com) կամ ուղարկել [email protected]
էլեկտրոնային հասցեով: Արձագանքեք այս կոչին, գրեք ձեր պատմությունը:
Կարծիքներ