«Հրապարակ»․ Վաչոն ցուցմո՞ւնք է տվել
![«Հրապարակ»․ Վաչոն ցուցմո՞ւնք է տվել](https://hraparak.am/uploads/images/2023/09/image_750x_64f234f6c1793.jpg)
ՀՀ երրորդ նախագահի անվտանգության նախկին պետ Վաչագան Ղազարյանը՝ Սերժի Վաչոն, ըստ իրավապահ մարմինների մեր աղբյուրների, ցուցմունք է տվել ՀՀ երրորդ նախագահի դեմ: Թե ինչ բովանդակության է այդ ցուցմունքը, մեր աղբյուրները չեն բացահայտում։ ՀՀԿ-ականների հետ մասնավոր զրույցներում եւս չհաջողվեց ստուգել ինֆորմացիայի իսկությունը, մի քանիսը ո՛չ հերքեցին, ո՛չ հաստատեցին՝ ասելով, որ նման ինֆորմացիա իրենց հայտնի չէ:
Իսկ օրերս հայտնի դարձավ, որ 2020 թվականից ապօրինի ծագում ունեցող գույքի բռնագանձման գործով անցնող Վաչագան Ղազարյանի եւ ՀՀ գլխավոր դատախազության միջեւ հաշտության համաձայնություն է կնքվել․ «2023 թվականի օգոստոսի 22-ին Վաչագան Ղազարյանի եւ նրան փոխկապակցված անձանց կողմից Գլխավոր դատախազություն է ներկայացվել հայցապահանջը մասնակի ընդունելու եւ հայցապահանջում ներառված «Եռաբլուր» զինվորական պանթեոնի 4 միավոր անշարժ գույքերը Հայաստանի Հանրապետության սեփականությանը փոխանցելու վերաբերյալ դիմում»։ Ենթադրում ենք՝ հենց այս դրվագով կարող է լինել ՀՀ երրորդ նախագահի դեմ ցուցմունքը։
Կարծիքներ