Ոստիկաններին հայհոյող «Պզոյի» թիկնապահին դատարանը չկալանավորեց
«Օրենքով գող» Արմեն Ղազարյանի (Պզո) թիկնապահը՝ Նվեր Մուրադյանը, Երեւանի ընդհանուր իրավասության դատարանի դատավոր Դավիթ Բալայանի որոշմամբ չի կալանավորվել։ Այս մասին «Հրապարակ»-ին փոխանցեցին Քննչական կոմիտեից։
Նշենք, որ նրան մեղադրանք էր առաջադրվել 258-րդ հոդվածի 3-րդ մասի 1-ին կետով, այն է՝ խուլիգանություն։
Հիշեցնենք նաեւ, որ «Հրապարակ»-ը տեսանյութ էր հրապարակել, որտեղ «Օրենքով գող» Արմեն Ղազարյանը, որը հայտնի է «Պզո» մականունով և վերջինիս թիկնապահը՝ Նվեր Մուրադյանը, որը նախկին ՀՀԿ-ական պատգամավոր Մուրադ Մուրադյանի որդին է, վիրավորում և հայհոյում են ոստիկաններին, սակայն նրանք որևէ կերպ չեն արձագանքում և ուժ չեն կիրառում։
Կարծիքներ