Դեպարդյեին կարող են ձերբակալել․ ի՞նչ են պնդում մի խումբ կանայք
Ֆրանսիացի դերասան Ժերար Դեպարդյեին կանչել են Փարիզի ոստիկանական բաժանմունք՝ սեռական ոտնձգությունների գործով հարցաքննության համար։ Այս մասին հայտնում է BFMTV հեռուստաալիքը։
Հեռուստաալիքը նշել է, որ Դեպարդյեին կարող են նաև կալանավորել։
Հռչակավոր դերասանին սեռական ոտնձգությունների համար մեղադրանք է առաջադրվել երկու կանանց կողմից։
Ըստ ֆրանսիական մամուլի, միջադեպերը տեղի են ունեցել 2014 և 2021 թվականերին՝ ֆիլմերի նկարահանումների ժամանակ։ Ինքը Դեպարդյեն հերքում է մեղադրանքները։
Հայտնի է, որ իսպանացի լրագրող Ռութ Բասան նույնպես բողոք է ներկայացրել Դեպարդյեի դեմ. նա խոսել է դերասանի կողմից 1995 թ․ կատարված սեռական ոտնձգությունների մասին։ Այն ժամանակ, ըստ իսպանուհու, նա 23 տարեկան էր և հարցազրույց է վերցրել ֆրանսիացուց։
Բացի այդ, ռեժիսոր Ժան-Պիեռ Մոկիի նախկին օգնականը, ով ցանկացել է անհայտ մնալ, հունվարի սկզբին բողոք է ներկայացրել Դեպարդյեի դեմ՝ կրկին սեռական ոտնձգությունների մասով:
Կարծիքներ