Աջափնյակի թաղապետ Թելման Թադեւոսյանը աշխատանքից ազատման դիմում է գրել
Հարգելի աջափնյակցիներ,ընկերներ , գործընկերներ և թիմակիցներ,
աշխատանքից ազատման դիմում եմ ներկայացրել և խնդրել եմ քաղաքապետ Մարությանին, որ չմերժի:
Այս պահին նպատակահարմար եմ գտել անցնել բիզնես գործունեությանը, քանի որ ունեմ բավականին փորձ և կապեր այդ ոլորտում և այս պահին կարևորում եմ մեր երկրում բիզնեսի զարգացումը:
Շատ հպարտ եմ և շնորհակալ այս ընթացքում համատեղ աշխատանքի համար թե՛ քաղաքական թիմին, թե՛ Երևանի քաղաքապետարանի աշխատակազմին՝ հանձինս քաղաքապետ Հայկ Մարությանի, քանի որ ինքս եմ տեսել և մասնակից եղել ներդրված բոլոր ջանքերի,եռանդի և նվիրվածությանը:
Ինչպես նաև հորդորում, խնդրում և միևնույն ժամանակ պահանջում եմ լրատվական դաշտի մեր որոշ գործընկերներից՝ իմ աշխատանքից դուրս գալու լուրը չլրացնել մտացածին և չարախոս տեղեկություններով, առավել ևս չքաղաքականացնել։
Թելման Թադևոսյան
Հիշեցնենք, որ երեկ մենք գրել էինք՝ վերջին 1 տարում մի պաշտոնից մյուս պաշտոնին անցած Նոր Նորքի նախկին թաղապետ, նախկին փոխոստիկանապետ Հայկ Մհրյանը, «Հրապարակ»-ի տեղեկություններով՝ առաջիկայում կրկին ետ է վերադառնալու Երեւանի քաղաքապետարան՝ Աջափնյակի թաղապետի պաշտոնում։
Նույն այդ տեղեկություններով՝ Աջափնյակի թաղապետ Թելման Թադեւոսյանը երեկ աշխատանքից ազատման դիմում է գրել։
Կարծիքներ