Վերաքննիչի դատավորը մերժեց իր ինքնաբացարկի՝ Փարամազյանի պաշտպանների միջնորդությունը․ փաստաբաններն այլևս չեն մասնակցում նիստին

Գրել էինք, որ վերաքննիչ քրեական դատարանում՝ Արմեն Դանիելյանի նախագահությամբ, այսօր տեղի է ունենում Քաջարանի քաղաքապետ Մանվել Փարամազյանին կալանավորելու որոշման դեմ բողոքի գործով առաջին դատական նիստը, որի ժամանակ պաշտպանները ինքնաբացարկի միջնորդություն են ներկայացրել։ Համայնքապետի պաշտպանները  պնդում են՝ իրենց համար անհասկանալի է՝ ինչպես է  գործը մակագրվել հենց դատավոր Դանիելյանին։ Ասում են՝ պատահական չեն համարում վերաքննիչի համակարգիչների առգրավումը, ինչից հետո համակարգիչների բացակայության արդյունքում գործը ոչ թե համակարգիչների միջոցով է մակագրվել Դանիելյանին, այլ նախագահն է մակագրել նրան։

Վայրկայաններ առաջ մենք տեղեկացնաք, որ դատավոր Արմեն Դանիելյանը մերժել է իր ինքնաբացարկի՝ Փարամազյանի փաստաբանների ներկայացրած միջնորդությունը։  Փարամազյանին կալանավորելու որոշման դեմ բողոքի գործով առաջին դատական նիստը դեռևս շարունակվում է սակայն պաշտպաններն այլևս չեն մասնակցում դրան։

Փաստաբաններ Լուսինե Սահակյանն ու Երվանդ Վարոսյանը դեռ ավելի վաղ էին լրագրողների հետ զրույցում հայտնել, որ եթե Դանիելյանը միջնորդությունը չբավարարի, չեն մասնակցելու նիստի շարունակությանը։