ՀՀ-ում ապրում են մարդիկ, ովքեր ասֆալտներին կպառկացնեն ցանկացած բռնապետի. Նիկոլ Փաշինյան․ տեսանյութ

«Ձեր երկրում վարչապետ է դարձել մի մարդ, ով սկսել ա մինուսից»։ Այս մասին այսօր Քանաքեռ-Զեյթունում ասաց վարչապետ Նիկոլ Փաշինյանը` կոչ անելով երիտասարդներին սոցիալական վատ վիճակի պատճառով չընկճվել. «Ուզում եմ ասեմ ուսանողներին` մի ընկճվեք, ուղղեք ձեր մեջքը, քայլեք վստահ։ Դուք հզոր եք, դուք ՀՀ հպարտ քաղաքացի եք եւ ձեր դեմ խաղ չկա»։



Վարչապետը նաեւ անդրադարձավ այն խոսակցություններին, թե ի դեմս իրեն բռնապետություն է. «ՀՀ-ում երբեք չի կարող բռնակալ կամ բռնապետ լինել, որովհետեւ ՀՀ-ում ապրում են մարդիկ, ովքեր ասֆալտներին կպառկացնեն ցանկացած բռնապետի։ ՀՀ-ում չի կարող լինել բռնապետ, որովհետեւ էդ քաղաքացու դեմ խաղ չունի ոչ մեկ, էդ քաղաքացու դեմ խաղ չունի Նիկոլ Փաշինյանը, Հայկ Մարությանը, այդ քաղաքացու դեմ խաղ չունի ոչ մեկ»։



**Աննա Պապիկյան**