Լյուդմիլա Սարգսյանը հաղթել է

Առաջին ատյանի դատարանը, վաղեմության ժամկետն անցած համարելով, մերժեց ՍԴՀԿ-ից անջատված շիրխանյանական թեւի հայցը, եւ ՍԴՀԿ կնիքն ու Լյուդմիլա Սարգսյանի ատենապետությունը մնացին ուժի մեջ: Մեզ հասած տեղեկություններով, իշխանություններն իրականում պատժել են Համահնչակյան կուսակցության ատենապետ Սեդրակ Աճեմյանին: Մինչեւ վճիռը ՀՀ նախագահի ապարատից պահանջել են, որ նա հրապարակավ հայտարարի, թե ինքը սատարում է Սերժ Սարգսյանին: Աճեմյանը փորձել է  խուսանավել, ասելով, որ թեպետ ինքը սատարում է Սերժ Սարգսյանին, բայց խնդրում է, որ հայտարարությունը ձեւակերպվի անուղղակի, մոտավորապես այսպես. հաշվի առնելով ՀՀ իշխանությունների կատարած դրական քայլերը ներքին ու արտաքին ասպարեզում, ինքը դրանք դրական է գնահատում: Առաջարկը չի ընդունվել, ու դատարանի վճիռը հնչել է Լյուդմիլա Սարգսյանի օգտին: