Էս մի կտորն էլ Բաբլոյանին

Մեր տեղեկություններով՝ "Արաբկիր" բժշկական կենտրոնի սեփականատեր, ԱԺ հանձնաժողովի նախագահ Արա Բաբլոյանը որոշել է սեփականացնել Քանաքեռ-Զեյթուն հիվանդանոցին պատկանող մանկական պոլիկլինիկան: Կառավարության առաջիկա նիստում որոշում է կայացվելու քանդել Քանաքեռ-Զեյթուն թիվ 8 հիվանդանոց-բուրգը եւ անջատել մանկական պոլիկլինիկան հիվանդանոցից: 2005-ին ՀՀ կառավարության եւ Համաշխարհային բանկի համաձայնագրով իրականացվել է բուժմիավորումների միավորման ծրագիր, իրար են միացել հիվանդանոցը, պոլիկլինիկան եւ այլն: Գործընթացը ստացել էր "բուրգ" անվանումը: Արա Բաբլոյանից երեկ այդպես էլ չհաջողվեց որեւէ բան ճշտել. նա շատ զբաղված էր եւ չպատասխանեց մեր հարցին: