Կարենը զայրացրել է Արման Մկրտումյանին
hraparak
20 Օգոստոս 2011 | 11:45
0
ՀՀ Արդարադատության խորհուրդն անդրադարձել է մարդու իրավունքների պաշտպանի կողմից 3 դատավորներին կարգապահական տույժի ենթարկելու առաջարկին: Մի երկար նախաբանից հետո, որտեղ ԱԽ-ն վկայակոչել է միջազգային նորմերն ու դատավորների անկախության թեմայով դեմագոգիա արել, միակ հոդաբաշխ միտքն այն է, որ կարգապահական վարույթը գաղտնի է: Ապա անցել են օմբուդսմենին դատափետելու գործին, իբր ՄԻՊ-ը չի պահպանել միջազգային եւ ներպետական նորմերի պահանջները, «հրապարակավ հաստատված է համարել դատավորների կողմից օրենքի նորմերի ակնհայտ եւ կոպիտ խախտումներ թույլ տված լինելը` դրանով իսկ կասկածի տակ դնելով ոչ միայն դատավորների հեղինակությունը, այլեւ նրանց անկախությունը, բարձր պրոֆեսիոնալիզմը:
Մինչեւ ՀՀ Արդարադատության խորհուրդը դատավորների գործողությունները չհամարի օրենքի ակնհայտ եւ կոպիտ խախտում, որեւէ այլ պետական մարմին իրավասու չէ հրապարակայնորեն նման գնահատականներ տալ»:
Ավելին՝ «ԱԽ-ի փոխարեն մարդու իրավունքների պաշտպանի կողմից դատավորների գործողություններին նախապես հրապարակավ գնահատականներ տալը ԱԽ-ի` որպես դատարանի վրա ճնշում գործադրել է նշանակում, ուղղակի միջամտություն է ԱԽ գործունեությանը, ինչը դատարանի անկախության տեսանկյունից անթույլատրելի է, խոչընդոտում է դատավորների կողմից իրենց պրոֆեսիոնալ պարտականությունների կատարմանը»,- ասված է հայտարարության մեջ:
Այսինքն՝ մեր բոստանը մտնելու իրավունք չունես, ասել է վճռաբեկ դատարանի նախագահը Կարեն Անդրեասյանին եւ հորդորել «հետագայում ձեռնպահ մնալ նման գործելաոճից»:
Կարծիքներ