«Առանձնակի հարգանք ունեմ հայ ազգի նկատմամբ». Կոբզոն
hraparak
22 Նոյեմբեր 2012 | 14:30
0
«Առաջին անգամը չէ, որ Երևանում եմ, և բարեգործական համերգն էլ առաջին անգամ չի տրվում, բայց այս մեկը ինձ համար մեծ նշանակություն ունի»,-նման հայտարարությամբ հանդես է եկել ԽՍՀՄ ժողովրդական արտիստ Իոսիֆ Կոբզոնը` այսօր կայացած ասուլիսի ժամանակ:Արտիստը նշել է, որ ինքը` որպես հրեա, որպես ցեղասպանություն տեսած ազգի ներկայացուցիչ, առանձնակի հարգանք ունի հայ ազգի հանդեպ:
Կոբզոնը կիսվել է նաեւ Հայաստանի հետ ունեցած իր հիշողություններով. «1988-ին, երբ Հայաստանում սկսվեցին սովի և ցրտի տարիները և ես հիշում եմ, որ եկա Հայաստան և բերեցի մարդասիրական օգնություն, քանի որ երեխաները ոչինչ չունեին ուտելու: Ես բեռնատարով շաքարավազ և ալյուր բերեցի»,- պատմել է Իոսիֆ Կոբզոնը:
Իոսիֆ Կոբզոնը ՀՀ նախագահի կողմից ստացել է «Մեսրոպ Մաշտոց» շքանշան, կրում է Սպիտակի պատվավոր քաղաքացու կոչում:
Հայաստանում տրվելիք բարեգործական համերգին կհնչեն Իոսիֆ Կոբզոնի հայտնի շատ երգեր, հայ հեղինակների կողմից հեղինակած երգեր:
Կարծիքներ