Մտավոր ականներ
hraparak
15 Դեկտեմբեր 2012 | 06:05
0
Դերասան Աշոտ Ադամյանը գրում է. «Եթե մի կողմ դնենք բոլոր տեսակի պայմանականություններն ու տարբեր տեսակի քողարկա-վարքային կեղծ ու ազնիվ նկարագրությունները՝ երկրում բացահայտորեն առկա է երկու տեսակի բնակչություն.ա. խումբ, որն ուզում է ապրել մյուսների հաշվին...
բ. խումբ, որը չի ուզում լինել մյուսի ճորտը»:
«Տխուր է, երբ ամեն մի անգրագետ, որպես անգրագետ՝ որակում է ԺՈՂՈՎՐԴԻՆ:
Լավ, որ ժողովրդի բավականին մեծ հատվածն անգրագետ է, մենք գիտենք... բայց մի՞թե անգրագետը չգիտի, որ մի ամբողջ ժողովուրդ չի կարող անգրագետ լինել, եւ պարզ տեսնում է, եւ գիտի, թե ով է «ԱՆԳՐԱԳԻՏՈՒԹՅԱՆ» ճարտարապետը:
Համոզված եմ, որ չգիտի... այլապես նման անհեթեթություն դուրս չէր տա»:
«Երբ վերանում է մտավորականությունը, հայտնվում են մտավոր ականները»:
«Կարո՞ղ եք պատկերացնել, թե ինչպիսի իրավիճակ կլիներ Հայաստան տարածքում, եթե մեր մասին մեր իսկ բարձրագոչ պատկերացումների ու պնդումների գոնե քառորդ մասը համապատասխաներ իրականությանը:
Կհանդուրժեի՞նք արդյոք, որ մեր ներկան որեւէ առնչություն չունենար XXI դարի հետ:
Կհամաձայնեի՞նք արդյոք ամեն օր քարշ տալ մեր գլխին թափվող ստի ու կեղծիքի անպտուղ բեռը:
Կտայի՞նք արդյոք «բա սրանց վերջը ե՞րբ է գալու...» անողնաշար հարցը»:
Կարծիքներ