Էդ բժիշկ Աշոտյանին ասեք, որ Հայաստանը Անջելինա Ջոլիի դոշերը չի է՜, որ դանակով կտրի, հեռացնի…
Հենց նոր tert, am-ից տեղեկացա, որ արևելյան Հայաստանի վերանվանման աշոտյանական ձևակերպումից հետո աշխարհում առաջացել է Հյուսիսատլանտյան օվկիանոսը: Տեսեք ինչ է գրում թերթը. «Մոտ 6 տոննա նավթ է արտահոսել Հյուսիսատլանտյան օվկիանոսի ջրերը՝ Hibernia նավթարդյունահանման հարթակում տեղի ունեցած արտահոսքի պատճառով»: Օվկիանոսը հավանաբար հայտնագործվել է Արևելյան Հայաստանից հետո: Աշխարհագրությունից հիշում եմ, որ աշխարհում 4 օվկիանոս կա: Հեղինակային իրավունքի առումով Աշոտյանը հայց է ներկայացրել օվկիանոսագիտական մարմիններին՝ իրազեկելով, որ նորարության հեղինակն ինքն է և Ատլանտյան օվկիանոսն առանց հանրային քննարկման դնելու, իրավունք չունեն վերանվանել Հյուսիսատլանտյան օվկիանոս, մանավանդ որ առաջնահերթ դրված է Արևելյան Հայաստանի նորանվանումը: Լուրեր են շրջանառվում, որ Արևելյան Հայաստանն առաջացել է Հյուսիսատլանտյան օվկիանոսի արտահոսքից: Մինչ ես գիտական պրպտումների մեջ եմ ու գիտականորեն եմ փորձում պարզաբանել, թե Արևելյան Հայաստան տերմինը Աշոտյանի որ կիսագնդից է արտահոսել /արևելյա՞ն, թե՞ արևմտյան/ իմ գեներալնի ընթերցողը պարզ ու շիտակ գրում է՝ էդ բժիշկ Աշոտյանին ասեք, որ ՀայաստանըԱնջելինա Ջոլիի դոշերը չի է՜, որ դանակով կտրի, հեռացնի:
ՀԱՍՄԻԿ ԲԱԲԱՋԱՆՅԱՆ
Կարծիքներ