Յոթ փականի հետևում
«Այն, որ Հայաստանի իշխանությունները չեն ցանկանում հրապարակել Մաքսային միությանը մեր երկրի անդամակցության «ճանապարհային քարտեզը», վկայում է, որ փաստաթղթում իրական սպառնալիքներ կան Հայաստանի Հանրապետության ինքնիշխանության համար», - «Ազատության» հետ զրույցում ասել է «Դեմ ենք Ռուսաստանի հետ Մաքսային միությանը» խմբի անդամ Դանիել Իոաննիսյանը:
Նա դիմել է Հայաստանի վարչապետին, Էկոնոմիկայի նախարարություն և Արտգործնախարարություն՝ անցած տարվա դեկտեմբերի 24-ին Մոսկվայում նախագահների մակարդակով հաստատված Մաքսային միությանը Հայաստանի անդամակցության միջոցառումների ցանկի` «ճանապարհային քարտեզի» մի օրինակն իրեն տրամադրելու խնդրանքով, սակայն բոլոր տեղերից մերժում է ստացել:
Ընդ որում, մինչև դեկտեմբերի 24-ը ուղարկած իր դիմումներին Էկոնոմիկայի նախարարությունից ու արտգործնախարարությունից տարբեր պատասխաններ էին ստացվել:
«Փոխարտգործնախարարն ասաց, որ դեռևս համաձայնեցման փուլում է, վերջնական փաստաթուղթ չկա և չենք կարող տրամադրել, իսկ Էկոնոմիկայի նախարարությունն ասաց, որ «Ծառայողական օգտագործան համար» նշումով փաստաթուղթ է», - փոխանցել է Իոաննիսյանը:
Մանրամասները տես այստեղ:
Կարծիքներ