Նախկին ֆուտբոլիստին գտել են մահացած՝ անտառում

Բրիտանական «Սիրո կղզի» ռեալիթի շոուի մասնակից, նախկին ֆուտբոլիստ Մայք Տալասիտիսին գտել են մահացած անտառում, իր տան մոտ, որը գտնվում է Էսեքսի կոմսությունում։ Այս մասին հայտնում է Mirror պարբերականը։

Նա ընդամենը 26 տարեկան էր։ Մահվան պատճառները չեն նշվում։ Նշենք, որ Տալասիտիսը հաջողությամբ հանդես էր գալիս Կիպրոսի U21 երիտասարդական հավաքականում, թեեւ նրան ճանաչում է բերել ոչ թե ֆուտբոլային կարիերան, այլ մասնակցությունը ծանոթությունների շոուին, որին մասնակցել է 2017-ին։ Իր պահվածքի համար նա ստացել է «Կեղտոտ Մայք» մականունը եւ ձեռք բերել վատ մարդու համբավ։