Պետրոսյանը 10 րոպե ժամանակ տվեց մաքսատան ղեկավարին՝ դրոշը կարգի բերելու համար. տեսանյութ
Նորագավիթի ավտոմաքսատանը տեղի ունեցած միջադեպն, ինչպես երևում է, անհետևանք չի մնացել: Վարչապետի օրինակը վարակիչ էր:
Գյումրու պետական տնտեսագիտական համալսարանի ռեկտորի ժամանակավոր պաշտոնակատար Կարեն Պետրոսյանը, որը հայտնի է նաև որպես «Նոր Հայաստան, նոր հայրապետ շարժման» առաջնորդ, ֆեյսբուքյան լայվով քիչ առաջ տեղեկացնում է, որ գտնվում է Գյումրու Հյուսիսային մաքսատուն վարչությունում, որտեղ քաղաքացիներին անհարկի սպասեցնել են տալիս,ավելին՝ դրոշը ծառայում է որպես վարագույր: Տեսանյութից հասկանալի է,որ Կարեն Պետրոսյանն այնտեղ է անձնական խնդիրներով եւ վիճաբանում է մաքսատան ղեկավարի հետ, այնուհետև նրան տաս րոպե ժամանակ է տալիս դրոշը կարգի բերելու համար:
Հիշեցնենք, որ վարչապետ Նիկոլ Փաշինյանը մաքսատան աշխատակցին հրամայեց աշխատանքից ազատվել՝ բարկանալով, թե եռագույն դրոշի նկատմամբ անհարգալից վերաբերմունք է դրսևորել. կեղտոտ վիճակում անկյունում դրված է:Վարչապետի արարքը միանշանակ չընդունվեց:Հնչեցին բազմաթիվ քննադատություններ երիտասարդ աշխատակցին նման կերպով աշխատանքից ազատելու համար:
Կարծիքներ