Ես վստահեցնում եմ, որ միշտ ձեր կողքին եմ լինելու․ Արմավիրի մարզպետ
![Ես վստահեցնում եմ, որ միշտ ձեր կողքին եմ լինելու․ Արմավիրի մարզպետ](https://hraparak.am/uploads/images/image_750x_5c25febe17b69.jpg)
Արմավիրի մարզպետ Համբարձում Մաթևոսյանը ֆեյսբուքյան իր էջում հրապարակել է լուսանկարներ՝ կից գրելով՝
«Ամանորին ընդառաջ այսօր ընդունել և նվերներ եմ հանձնել մարզի երկկողմանի ծնողազուրկ 28 երեխայի:
Անչափ հաճելի էր տեսնել, որ նրանք հոգատար ձեռքերում են: Դա վկայում էր նաև նրանց աչքերի փայլը:
Մեր սիրելի փոքրիկները և նրանց խնամակալները թող համոզված լինեն, որ միշտ գտնվելու են պետական հոգածության ներքո: Որպես մարզային իշխանության պատասխանատու` ես վստահեցնում եմ, որ միշտ ձեր կողքին եմ լինելու` պատրաստ ընդառաջելու ձեր յուրաքանչյուր խնդիրի լուծմանը:
Եվ օգտվելով առիթից` ի սրտե շնորհավորում եմ բոլոր երեխաներին Ամանորի և Սուրբ Ծննդյան տոների առթիվ` ցանկանալով, որ նրանց մանկական ու մաքրամաքուր երազանքներն իրականություն դառնան: 2019 թվականն էլ միայն ուրախություն, խինդ ու ծիծաղ պարգևի նրանց»:
Կարծիքներ