Արդարադատության նախարարությունը աշխատակազմի նոր ղեկավար ունի
Նիկոլ Փաշինյանի հրամանով Սիրվարդ Գևորգյանը նշանակվել է արդարադատության նախարարության գլխավոր քարտուղար:
Սիրվարդ Գևորգյանը 2021թ․-ի հոկտեմբերի 14-ից զբաղեցնում էր ՀՀ արդարադատության նախարարի խորհրդականի պաշտոնը։
Սիրվարդ Գևորգյանը 2000-2004 թթ. սովորել է Երևանի Պետական Համալսարանի Իրավագիտության ֆակուլտետում՝ ստանալով բակալավրի, այնուհետև՝ մագիստրոսի աստիճան:
2011-2013 թթ. սովորել է Հայաստանի Ամերիկյան Համալսարանի Իրավագիտության ֆակուլտետում՝ ստանալով մագիստրոսի աստիճան:
Հիշեցնենք, որ Սիրվարդ Գևորգյանը ժամանակին էլի աշխատել է արդարադատության նախարարությունում՝ որպես աշխատակազմի ղեկավարի տեղակալ։ Այն ժամանակ նախարարը Արփինե Հովհաննիսյանն էր։
Կարծիքներ