Իսրայելը հարվածել է Լիբանանին․ ի՞նչ է կատարվում
Hraparak
26 Ապրիլ 2024 | 13:00
0
Իսրայելի պաշտպանության բանակը (ՑԱԽԱԼ) մի շարք հարձակումներ է իրականացրել Լիբանանում շիական «Հզբոլլահ» կազմակերպության զինված թևի թիրախների վրա։ Այս մասին ապրիլի 26-ին հայտնել է Իսրայելի պաշտպանության բանակի մամուլի ծառայությունը։
Նշվում է, որ ՑԱԽԱԼ-ը Լիբանանից արձանագրել է հակատանկային հրթիռների երկու արձակում Իսրայելի հյուսիսում գտնվող Հար Դով լեռան ուղղությամբ։ Ի պատասխան՝ Իսրայելի պաշտպանության բանակի տանկերն ու հրետանին կրակ են բացել հարձակումների աղբյուրների ուղղությամբ։
«ՑԱԽԱԼ-ի հրետանին և տանկերը հարվածներ են հասցրել հարձակման աղբյուրների վրա։ Բացի այդ, Իսրայելի պաշտպանության բանակի զինվորները Լիբանանի հարավում գտնվող Շեբա շրջանում տանկային հարվածով ոչնչացրել են կրակի արձակման կայաններից մեկը»,- ասվում է հայտարարության մեջ։
Կարծիքներ