Թուրքամետ գրոհայինները սիրիական բանակի վրա հարձակումներ են ձեռնարկել Իդլիբում
Թուրքիայի կողմից հովանավորվող խմբավորումները սկսել են լայնածավալ հարձակումներ Մեծ Իդլիբում գտնվող սիրիական բանակի դիրքերի վրա։ Մեծ Իդլիբն ընդգրկում է Իդլիբ եւ Համա նահանգները, Հալեպ նահանգի կեսը եւ Լաթաքիան։ Ըստ Al-Masdar News-ի, Լաթաքիայում հոկտեմբերի քսանյոթի առավոտյան թուրքամետ գրոհայինները տասնյակ հրթիռներ են արձակել Իդլիբի ապաէսկալացիոն գոտում գտնվող բնակավայրերի ուղղությամբ։ Մեծ կորուստների այն չի բերել կառավարական զորքերի շրջանում, թեեւ հարվածը եղել է բավական ինտենսիվ։ Այս հարվածը, ըստ պարբերականի, պատասխանն է եղել ռուսական ռազմական օդատիեզերական ուժերի կողմից «Ֆայլաք աշ-Շամ» խմբավորման ճամբարի ռմբահարման համար, որը գտնվում է Իդլիբի հյուսիսում։ Նշենք, որ այդ հարվածի ժամանակ ոչնչացվել էր ավելի քան երկու հարյուր գրոհային։
Կարծիքներ