Փորձում են ՌԴ-ին հեռացնել Ինտերպոլից. ՆԳ նախարար
![Փորձում են ՌԴ-ին հեռացնել Ինտերպոլից. ՆԳ նախարար](https://hraparak.am/uploads/images/2024/06/image_750x_667667b9879f2.jpg)
Ռուսական կողմը բախվում է Ինտերպոլից երկրի հեռացման փորձերի հետ: Այս մասին հայտարարել է ՌԴ ՆԳՆ ղեկավար Վլադիմիր Կոլոկոլցևը՝ ՉԺՀ-ի Գերագույն ժողովրդական դատախազության գլխավոր դատախազ Ին Յունի հետ հանդիպմանը, փոխանցում է ՏԱՍՍ-ը:
«Իրավապահ մարմիններում միջազգային համագործակցության քաղաքականացումը չափազանց հակաարդյունավետ է»,- նշել է գերատեսչության ղեկավարը:
Նրա խոսքով, ռուսական ոստիկանությունը ստիպված է բախվել տարբեր սահմանափակումների, այդ թվում՝ հետախուզվող հանցագործների մասին տեղեկությունները թաքցնելու և արևմտյան գործընկերների խնդրանքները չկատարելու հետ:
Կոլոկոլցևը նշել է, որ նման սահմանափակումները ձեռնտու են թմրամիջոցների ապօրինի շրջանառության և կիբերհանցագործությունների մեջ ներգրավված միջազգային անդրազգային հանցավոր խմբերի անդամներին:
Գերատեսչության ղեկավարի խոսքով, ռուսական կողմը երբեք չի մեղադրվել օտարերկրյա գործընկերների հետ համագործակցելիս որևէ անբարեխիղճ նպատակների համար։
Կարծիքներ