Բարձրացրեք ռուսների աշխատավարձը, վռնդեք միգրանտներին. ՌԴ ՔԿ-ի ղեկավարը ռասի՞ստ է
![Բարձրացրեք ռուսների աշխատավարձը, վռնդեք միգրանտներին. ՌԴ ՔԿ-ի ղեկավարը ռասի՞ստ է](https://hraparak.am/uploads/images/2024/06/image_750x_667d632b0f6fd.jpg)
Ռուսաստանի Դաշնության Քննչական կոմիտեի ղեկավար Ալեքսանդր Բաստրիկինը Սանկտ Պետերբուրգի միջազգային իրավական ֆորումի երկրորդ նիստի ժամանակ, որը նվիրված էր ժամանակակից Ռուսաստանում միգրացիոն քաղաքականության իրավական ասպեկտներին, աղմկահարույց հայտարարություններ է արել:
Նա նշել է, որ ռուսները կարող են փոխարինել օտարերկրացիներին աշխատաշուկայում, եթե նրանց համար ստեղծվեն հարմարավետ աշխատանքային պայմաններ։ Բաստրիկինի խոսքով, գործատուի առաջնահերթությունը պետք է տրվի առաջին հերթին ռուսներին:
Պաշտոնյայի պնդմամբ, «Գազպրոմին» օտարերկրյա մասնագետներ պետք չեն, և, օրինակ, Պսկովից տղամարդիկ կարող են ներգրավվել համապատասխան աշխատանքներում:
Որպեսզի ռուսները հաջողությամբ փոխարինեն միգրանտներին, աշխատավարձը պետք է սահմանվի առնվազն 120 հազար ռուբլի, ասել է ՔԿ ղեկավարը.
«Մի խանգարեք ռուսներին աշխատել հանուն Ռուսաստանի. Եկեք ուրախացնենք ռուս ժողովրդին. 120 հազար ռուբլի աշխատավարձ սահմանեք, և ռուսները կգան, միգրանտներին կվռնդեն»։
Շփվելով Պետդումայի պատգամավորի հետ՝ Բաստրիկինը հարցրել է, թե, ի վերջո, երբ է խորհրդարանը նոր օրենք ընդունելու, որը կհամապատասխանի ներկայիս միգրացիոն իրավիճակին և հասարակության լարվածությանը. «Շատ կուզենայի իմանալ, թե երբ է «պետական հիմարի» /Госдура/ կողմից լավ օրենք ընդունվելու»։
Պատգամավորն արձագանքել է և նշել, որ այս հարցն ուսումնասիրում են Պետդումայում:
Կարծիքներ