Նախագահի խրտվիլակ վառելուց մինչև գաղտնի համբույր․ Ամանորյա զվարճալի ավանդույթներ

Ամանորը համամարդկային ծիսական մշակույթ լինելուց զատ ունի առանձնահատկություններ, որոնք երբեմն նաև զվարճալի են թվում։ Օրինակ, օլիվիե ուտելն ու նույն սովետական ​​ֆիլմերը տոնածառի տակ դիտելը ծանոթ ու հարմարավետ ռուսական Նոր տարի է։ Սա կարող է տարօրինակ թվալ օտարերկրացուն. նրանցից ոմանց համար շատ ավելի սովորական է ամբողջովին կարմիր հագնվելն ու պատից փոցխ կախելը:

Ներկայացնում ենք տարբեր երկրների ամանորյա ամենատարօրինակ ու զվարճալի սովորույթների ծաղկաքաղը։ 10. Ամանորը դիմավորել կարմիրով՝ իտալական ձևով Տասներորդ տեղում Ամանորին կարմիր հագուստ կրելու իտալական գեղեցիկ ավանդույթն է: Տեղացիները կարծում են, որ կարմիր գույնը հաջողություն է խոստանում։ Ամանորյա տոներից առաջ իտալական խանութների ցուցափեղկերը դառնում են վառ կարմիր. վաճառողները ամենատեսանելի վայրերում ցուցադրում են կարմիր գույնի ներքնազգեստ, հագուստ և աքսեսուարներ: Վաճառքներն աճում են. բոլորը ցանկանում են հաջողություն նոր տարում և ավելին:

9. Մթության մեջ համբուրվել բուլղարական ձևով Եթե ​​Նոր տարվա գիշերը (և ընդհանրապես) չկա մեկը, որի հետ համբուրվեք, ապա բարի գալուստ Բուլղարիա: Այստեղ մի հետաքրքիր ավանդույթ կա՝ Նոր տարին ազդարարող զանգերից անմիջապես հետո սենյակի լույսերն անջատում են, որպեսզի մարդիկ մթության մեջ համբուրվեն։ Այն կոչվում է «Ամանորյա համբույրների րոպե»: Այդ պահին դուք կարող եք համբուրել ցանկացած մարդու, ով ձեզ դուր է գալիս, և համբույրը պետք է գաղտնի մնա:

8. Դիմավորեք Ամանորը գերմանացու պես Գերմանիայում Ամանորը նշում են աղմկոտ, ուրախ, տոնածառով և ճաշատեսակների լի սեղանով, գրեթե այնպես, ինչպես Հայաստանում: Գերմանացիները զվարճալի ավանդույթ ունեն՝ ժամացույցի առաջին հարվածի հետ բարձրանում են աթոռների, սեղանների ու բազկաթոռների վրա, իսկ վերջին հարվածի հետ՝ ուրախ բացականչություններով ցատկում դեպի Նոր տարի, այսինքն՝ հատակին։

7. Այրել ամեն վատ բան՝ շոտլանդական ոճով Կենացներ ենք ասում, որ բոլոր խնդիրները մնան անցած տարում, բայց շոտլանդացիները կտրուկ բան են անում՝ ամեն վատ բան վառում են։ Նոր տարվա գիշերը հանում են հին տակառները, որոնց մեջ մի ժամանակ վիսկի ու գինի էր պահվում, խեժով պատում ու վառում։ Շոտլանդիայի գլխավոր փողոցների երկայնքով բոցավառ տակառներ են գլորում. ակցիան խորհրդանշում է հին տարվա այրումը իր բոլոր խնդիրներով:

6. Ամանոր՝ ճապոնական փոցխով՝ զանգերի հնչելու պահին Ցանկանում եք ավելի շատ հաջողություն ունենալ Նոր տարում: Ունեցեք փոցխներ, ինչպես ճապոնացիները: Նրանք բամբուկից պատրաստում են իրենց գործիքները, զարդարում նկարներով ու թալիսմաններով, կախում պատից։ Այս կերպ ճապոնացիները «նոր տարում հաջողություն են բերում»։ Ճապոնիայում Ամանորի երազանք են պահում ոչ թե 12, այլ՝ 108 զանգերի ազդարարման ներքո։

5. Շվեդների պես այծ վառեք Չգիտես ինչու, եվրոպացիները սիրում են ամեն ինչ այրել Ամանորի օրը. շվեդները բացառություն չեն: 13 մետրանոց Եվլեյան ծղոտե այծը ենթարկվում է ծիսական այրման։ Այն տեղադրված է Եվլե քաղաքի գլխավոր հրապարակում, իսկ Ամանորի գիշերը հանդիսավոր կերպով այրվում է։ Սա խորհրդանշում է հրաժեշտ ամեն վատին։ Այն նաև շատ գեղեցիկ և զվարճալի է (ըստ տեղի բնակիչների):

4․ Դիմավորեք ճամպրուկով և կռվեք՝ ինչպես Պերուում Ամանորը Պերուում էքստրեմալ սպորտի սիրահարների համար է։ Այստեղ նրանք կիրառում են «բոլոր վատ բաները հին տարում թողնելու» յուրահատուկ ձևը։ Դրան հասնելու համար տեղի բնակիչները զանգվածային ամանորյա մարտեր են կազմակերպում, որոնց մասնակցում են կանայք, երեխաները և տղամարդիկ։ Բոլորը դուրս են գալիս փողոց ու հաճույքով ծեծում իրար։ Պերուացիների տրամաբանությունը՝ եթե հին տարում իրար վատ արարքների համար ծեծեն, ապա նոր տարում ճակատագիրը նրանց չի պատժի։ Ամանորի մեկ այլ զվարճալի ավանդույթ վերաբերում է նրանց, ովքեր ցանկանում են ճանապարհորդել աշխարհով մեկ։ Հաջորդ տարի ճամփորդության գնալու համար հարկավոր է վերցնել ճամպրուկը և դրանով շրջել ամենուր։ Դա պետք է անել Ամանորից 5 րոպե առաջ, իսկ ժամը 00.00-ն տանը լինել:

3. Արգենտինական Ամանոր․ թղթե աշխարհ Արգենտինացիներն անցնող տարվան հրաժեշտ են տալիս յուրօրինակ կերպով՝ վերջին օրը պատուհաններից դուրս են նետում ավելորդ փաստաթղթերը, թերթիկները, հին օրացույցները։ Դեկտեմբերի 31-ի կեսօրին Բուենոս Այրեսի ամբողջ բիզնես թաղամասը ծածկված է թղթով: Ոչ ոք չգիտի, թե որտեղից է առաջացել այս ավանդույթը և ինչ է այն խորհրդանշում։

2. Պանամա․ այրել քաղաքական գործչի խրտվիլակը Մեկ այլ «բոցավառ» ավանդույթ՝ այժմ Պանամայից: Այստեղ ընդունված է Ամանորին այրել հայտնի դեմքերի՝ քաղաքական գործիչների, մարզիկների, դերասանների խրտվիլակները, որոնք ինքնին խորհրդանշում են անցնող տարվա խնդիրները։ Պանամայի բնակիչները ուրախությամբ այրում են իրենց նախագահի կամ օլիմպիական չեմպիոնի խրտվիլակը: Թեև նրանք ոչ մի վատ բան չեն մաղթում քաղաքական գործիչներին և մարզիկներին, բայց այս տարօրինակ ձևով նրանք արտահայտում են իրենց պատիվն ու հարգանքը։ Միգուցե մենք կարող ենք նման ավանդույթ սկսել Հայաստանու՞մ․․․

1. Նոր տարին՝ նոր անունով Միկրոնեզիայի «փոքր կղզիների» բնակիչների ամանորյա ավանդույթը նույնպես ուշագրավ է։ Հաջորդ տարի հարմարավետ, երջանիկ և առանց խնդիրների ապրելու համար միկրոնեզացիները պարզապես փոխում են իրենց անունը։ Չար ոգիներն այլևս չեն կարողանա գտնել նրանց և չարիք ուղարկել, քանի որ նրանք ապահով թաքնված են: Այս մտքերով միկրոնեզացիները հունվարի 1-ին, ափով փակելով բերանը, իրենց նոր անունը շշնջում են հարազատների ականջին։