Իրանը դեռեւս չի համաձայնել սկսել ուղիղ բանակցություններ․ ԱՄՆ Պետդեպի խոսնակ

Իրանը դեռեւս չի համաձայնել Միացյալ Նահանգների հետ ուղիղ բանակցություններ սկսել Միջուկային գործարքի համաձայնագրի շուրջ։ Այս մասին հայտարարել է ԱՄՆ Պետդեպարտամենտի խոսնակ Նեդ Պրայսը՝ լրագրողների հետ հանդիպման ժամանակ։ «Որքան հասկանում ենք, Իրանը դեռեւս չի համաձայնել ուղիղ բանակցությունների, սակայն մենք պետք է պատրաստ լինենք դեմ առ դեմ հանդիպման»,- ասել է նա։ Պրայսը նաեւ ասել է, որ ուղիղ բանակցությունները կարող էին արագացնել դրական տեղաշարժի արձանագրումը։