Ցուցարարները հրդեհել են ոստիկանական բաժանմունքը Միացյալ Նահանգներում

Միացյալ Նահանգների Մինեապոլիս քաղաքում ցուցարարները հրդեհել են ոստիկանական բաժանմունքը։ Ոստիկանները հասցրել են տարհանվել բաժանմունքի տանիքից՝ ուղղաթիռի միջոցով։ Տուժածներ չկան։ Այս մասին հայտնում է Fox News-ը, նշելով, որ զանգվածային անկարգությունները արդեն երրորդ օրն է շարունակվում են Մինեապոլիսում այն բանից հետո, երբ ոստիկանության ներկայացուցիչը անհամաչափ ուժ կիրառելով բերման ենթարկելիս աֆրոամերիկացի Ջորջ Ֆլոյդի հանդեպ, նրան զրկել է կյանքից։

Ցուցարարները նախ շրջապատել էին ոստիկանական բաժանմունքը, ապա, երբ տանիքին գտնվող ոստիկանները փորձել են լուսաձայնային նռնակներով ցրել հավաքը, ցուցարարները ներխուժել են ոստիկանական բաժանմունք եւ հրդեհել այն։